Tuesday, July 29, 2025
spot_img

CM-na name chel·chakanirangko on·na man·jani gimin Saleng, police-rangko sing·doa

Date:

Share post:

spot_imgspot_img

SHILLONG: Adita salrangna skang, Tura-ni Chief Minister’s Officer (CMO)-ko manderangni jinma ro·ongrangchi goe chadrapanio, a·dokni Chief Minister-na kenchakna nanganirang donggenchimoba nanga gita chel·chakanirangko on·na man·jahani gimin West Garo Hills Police-rangni kamko Congress dolni MLA Saleng Sangma sing·doataha.

Tura-o ong·anggipa a·selko jegalatengon, batanggimin somoioba a·dokni gitcham Education Minister Ampareen Lyngdoh-ni Tura-ona dingtang dingtang dolrang baksa tom·e agangrikna re·baengmiting somoio da·o gita kenchakna nanganirang dongahani a·selan DC aro SP, Jengjal-oni watatpilaha aro ian police-rangni kamo olgrokaniko mesokani ong·enga ine Sangma parakataha.

“Tura-o so·sojengjeng ong·engmitingo maibakae Chief Minister saknaanirangko man·na nanggenchimode mai ong·genchim? Iandakgipa obosta ong·ode haida police-rang gochakna nangaon ga·aknaba gnangchim,” ine Sangma aganaha.

Ia a·selko ning·tue sandirokchina gita police-rangko didiatengon, badiaba manderangni iandake so·sojengjeng ong·atani a·sel Tura-ko Winter Capital songchina dabianikoba nisigalaha ine Congress MLA, suk ong·gijaniko parakataha.

“Ia a·selni gimin an·ching political dolsankode matnangna man·jawa. Tura-o iandakgipa obostarang ong·enga ine ma·sisoahaon police-rang, CM sokangna skangan nanga gita chel·chaksoanirangko dakna nangachim,” ine Sangma aganaha.

So·sojengjeng ong·atani kamrangchide maming kamrangon chu·sokna man·jawa aro pangnan noksan ong·nasa nangaigen ine talataniko on·angengon, Garo Hills-o Winter Capital-ko songna dingtang dingtang dolrangni dabiani da·o badiaba manderangni a·sel indin ong·grama gita ong·aiaha ine Sangma parakataha.

Opposition dolni dilgipa Ronnie V Lyngdoh-ba ia a·sel ong·aniko raken jegalataha aro ian manderangko chadrapani gitasa ong·aha ine parakataha.

spot_imgspot_img

Related articles

Assam’s Kaziranga, home to one-horned rhino, now ranks third globally in tiger density: Survey

Guwahati, July 29: Kaziranga National Park and Tiger Reserve (KNPTR), home to Greater one-horned Rhinoceroses, now ranks third...

‘Made in India – A Titan Story’: Naseeruddin Shah’s first look as J.R.D. Tata out

Mumbai, July 29: Marking the 121st birth anniversary of Indian visionary, J.R.D. Tata, the makers of the highly...

Under HM Shah the Pahalgam terror attack happened, but where is accountability: Priyanka Gandhi

New Delhi, July 29: In a searing speech in the Lok Sabha on Tuesday, Congress MP Priyanka Gandhi...

Tiger reserves increased from 46 to 58 since 2014: Bhupender Yadav

New Delhi, July 29: The number of tiger reserves in India has increased from 46 in 2014 to...