TURA: July 29 aro 30 tariko New Delhi-o National Education Policy (NEP2020)-ko ra·gatani bilsi 3 gapaniko Ministry of Skill Development and Entrepreneurship-ni gita salgnina program-ko mijamangmang Kendrya Vidyalaya Tura-o jeon jillani dingtang dingtang skulrang bak ra·angenga.
Programme-ni somoio, skulrangni education system-o NEP 2020-ko ra·gatani bidingo Tura Kendriya Vidyalaya-ni Principal Gyanendra Kumar Verma aganangaha. NEP 2020-ko niksamsoe uni skulo chu·soke ra·gatanio uni chanchianiko ua aganangaha. Silchar Region-ni Deputy Commissioner Sri P.I.T. Raja-ni dilani ning·o aro kam ka·dilani ning·o NEP 2020-ni principle-rangko ra·anganio kam ka·ani miksongani ong·a ine ua janapataha, uni chatro chatrirangna skie ra·anganiko cha·totatna aro nanga gimiko man·atna ong·atenga.
Verma-ni parakatani gitade, NEP 2020-ni gita skulrango dingtang dingtang ja·kurangko ga·angenga, academic-o nangtelaigipa aro nanggipa curriculum-o pangchake 5+3+3+4-ko design ka·e ra·gatako man·chapataha, jeon chatro chatrirangna bang·bate skie ra·angani cholrangko on·anggen. Literacy aro bang·a skill foundational-o pangchake gisiko nangbatan baksa, bang·a skilrango aro ma·sichakanio nambatgipa cholko tang·doatna National Initiative (NIPUN)-o skul gisiko nange bakko ra·atna. Chatro chatrirangni tang·doaniko name dake simsake nirokangenga aro class prakprako pangchake skie ra·anganirang namgipa record ong·atgen.
Programme-ni somoio, NEP 2020-ni gita skulchi dingtang dingtang minggipin chu·sokanirangko dakangna man·ani gimin Verma u·iataha.
