SHILLONG: Meghalaya Sorkario kam ka·giparang, hospitalrango uamangko sana bananiko dakanio ru·utgijan cashless card-ko man·naba donggnok.
Iani bidingo u·iataniko dakengon, iarangko cabinet-o mesokna gita Meghalaya sorkari, mingsa cabinet memo-ko tarie tarienga ine Health Minister Ampareen Lyngdoh aganaha.
Lyngdoh-ni aganani gitade, Ma·mong Sorkari ru·uta somoirangonin North East region-o tik ka·e dongimin damrangko nipilan dongtaikuja, unigimin Meghalaya-ko man·chape Salgro Salaramni adita a·dokrang, ia chanchianirangko Ma·mongni ministry-na janapaha aroba Central Government Health Scheme (CGHS)-ni damrangko tang·doatchina gita mol·molaha.
Unomitingo, songdonggiparangna bang·bata insurance-ko man·atna gita A·dok Sorkari, ia Prime Minister-ni Health Scheme-ko MHIS scheme baksa chaprimataha ineba Lyngdoh aganaha.
“MHIS-ko ia Prime Minister-ni Scheme baksa chaprimatenba manderangna bang·bata namgniko chinga on·enga,” ua aganaha.
Indake ong·engon, iani namgniko man·na gitade Aadhar-ko MHIS-ba link ka·na ba nangrimatna nangtelgen, Health Minister aganaha.
