SHILLONG: Congress dolni dilgipa Rahul Gandhi-ko ra·galanina Supreme Court-ni stay order-ko on·ani ja·man Opposition dolni dilgipa aro Congress MLA Ronnie V. Lyngdoh ge·etaniko on·ani bidingo aganangaha, Rahul Gandhi saksan cheaniko man·a ong·jaha indiba ian a·song gimikni cheanisa ong·a.
Kakketgipa parak ong·aha, justice-ko on·angaha, democracy cheaha aro Constitution ra·doako man·aha, ine Apex Court-ni gita dongtoaniko on·anina Lyngdoh aganangaha.
Biming ong·siatani mamlao Congress dolni dilgipa Rahul Gandhi-ko dosi potaniko Sukrobar salo Supreme Court stay order-ko parakataha, Lok Sabha biapona re·bapilna chol rama ong·engaha.
Surat court-o uko bilsi gnina pakwatani ja·man ia bilsini March jao Congress dolni dilgipako ra·galaha.
Lyngdoh-ni parakatani gitade, Gujarat-o judiciary-ni gita mamlako jako ra·e ka·aniko sing·dona kraenga aro a·songni high court notice-koba on·angaha.
“India-ni manderangna, ian maiba kusi katchaani sokbaaha, chinga ma·sia songdonggiparangko chelchakna justice-ko naljokatna judiciary ianoba dongkuenga,” ine ua aganangaha.
Apex Court-o uamagn ka·dongani dongkuenga ine uni agandapanina a·songni bang·a institution-rang bil aro namnikgrikani dongkuenga ine ua jaksi ote mesokataha.
