SHILLONG: New Shillong Township-o da·o donggipa two lane ramako, saikel salani, mande re·ani ugitarang dongchape four lane tarina gita Ma·mong Sorkari kro 146 tangka paisarangko chamataha.Ia tangka paisarangko Pime Minister’s Development Initiative for North East Region (PM-DevINE)-ni ning·o chamataha, jekon Union Budget 2022-23-o mingsa gitalgipa Central Sector Scheme-o parakataha. Ia PMDevINE scheme-na nieanikoba dakenga.A·an iano mingsa State subject ong·enga aro a·nokgiparangna tangka paisarangko gampilanirangkode A·dok Sorkari, meli ma·gapgipa Acts aro Rules-o pangchake kam ka·gen.New Shillong Township-o da·omitingo namdapatani kamrangko ka·enga ine nikatna man·a indiba da·onaba ramade chonengkua, uni gisepon ramako dal·atjaode, ja·manchide uanoba da·o Shillong-o gitan re·a doanio neng·nikaniko man·gen.
