Shillong: (PTI) North Eastern Electric Power Corporation Limited (NEEPCO)-ni green energy-o gisik on·naniko parakatani ja·man Meghalaya cabinet, 500 MW thermal power project-ko bon·atna proposal on·ako ra·chakangaha, ine Power Minister AT Mondal, Sonibar salo parakataha.
Cabinet-ni ra·chakangahani gimin company baksa soi ka·gipa MoU bon·aignok, indiba sorkari, a·doko bijolina neng·nikaniko warachakna ba namatna mikkangchi gipin company-rang jemangan gisik nanga, uamang baksa kamko ka·angskagen ine Minister aganaha.
“NEEPCO, sorkari baksa power project-ko ka·angjawa ine chingna u·iataha, uamangan project-ko bon·atna nangnikaha’ ine Mondal, koborna u·iataha.
NEEPCO-an, Megahalya sorkari baksa thermal project-o invest ka·jawajok ine u·iataha, aro uamang an·tangko ‘green’ company ine aganataha, ine power department-ni a·gipi official aganaha.
Mni Sukrobar salosan Chief Minister Conrad K Sangma, kror 500-ni CM Solar Mission-ko a·doko bijoli chu·onggijaniko namatna miksonganio parakataha.
“Manderangni namgnina ra·bagipa CM Solar Mission, ian a·doko bijolina neng·nikako man·enggipako warachakna dakchakgipa ong·gen ine CM Sangma, aganangaha.
Chief Minister-ni aganani gita, individual household ba nokdangrangna 70 percent subsidy-ko aro schools, hospitals, hotels aro gipin commercial entities-na 50 percent subsidy-ko sorkari on·gen.
Umiam Hydel Project-na agre gimikan river power project-rang ong·ani gimin wachi kario mikka komiaode power generation ba bijoliko man·aniba komianga.
