U·IATTIMGIPAONI…
SHILLONG: A·dokkni sak 200 nurse-rang a·song gipinnona seoka man·angaha.
Ia jaani a·bachengo, Overseas Nursing Job Fair-ko Shillong-o ong·atangaha, uno sak 1040,200 nurse-rang bak ra·angaha.
Health department-ni palo u·iattimgiparangoni aganani gita, sak 1000-na bate ua event-o bak ra·gipa nurse-rangoni sak 200 seokako man·rikaha.
Unoni bang·bata seoka man·giparang English ku·sikko agangipa a·songrang jekai UK aro gipin a·songrango kam ka·na skenga.
Janapani gita a·dol sorkari, ia seoka man·gipa nurse-rangna subsidy tangka 50,000-ko on·e dakchakaniko on·gen.
Ia job fair-ni gita campany-rang kamna ra·e, changa sapgipa nurse-rangko a·song gipinnona kam ka·na biapko on·ani ong·aha. Mingsinggipa company-rang jekai Navis HR Pvt Ltd, Nursedge, The Trained Nurses Association India, aro Ajith Enterprise ia event-o bak ra·tokaha.
