Shillong: North Eastern Hills University Teachers’ Association (NEHUTA) Sonibaro tom·a-nio maming jechakanigri, university vice chamcellor, Prabha Shankar Shukla-ko uni July 12 tariko nang-dimgipa college-rangni principal-rangna chitti seataniko ra·galpilchina sal 5-na somoiko on·aha.
July 12, 2023-o chittiko Officer on Special Duty (OSD) Debasish Chowdhury-ni gita nangdimgipa college-ni principal-rangna on·ataha, uno janapani gita university NEP 2020-o bilsi 4-ni undergraduate programme-ko 2023-2024 academic session-ko a·bachengatna ge·etaha. NEHUTA-ni president, Prof Lakhon Kma, jean tom·aniko dilgipa ong·a, ua agenda ‘illegitimate implementation of NEP at UG level” ni gimin chan-chidilaha.
Ua tom·anio chanchiani-rangko dakani ja·man NEP-ko UG level-o session 2023-24-dipet Vice Chancellor-ni a·bachengatanira, Academic Council of NEHU baksa maming chan-chirimaniko dakgija dakani ong·aha, aro NEIU Act, Statutes and Ordinances-ni niamko pe·ani ong·aha.
Iara NEHU-ni niamrang jekai Academic Council-ni dongimin niamrangko pe·ani ong·aha, jekon maming cholchiba ra·chakna man·jaha. Ua tom·anio una agreba, NEHUTA, NEP syllabus-o pangchake 1st Semester-ko ong·atanikoba champeng-atna tik ka·aha, maina uara VC-ni niamgri ra·gatgipasa ong·aha.
NEHU, una agreba NEP-ni ning·o 1st semester-ni model question paper-rangni giminba chanchirim-jaha, aro uko Academic Council ra·chakjaha, jean niamgri ong·ani gimin chingni chatro-chatrirangni janggi tangani nosto ong·gen.
Aro una agreba NEHUTA, Controller of Examination (COE), NEHU-naba seatna chanchiaha, aro uno NEP-ni ning·o ong·gipa 1st semester-nisetting/moderation of question paper-rangko ra·galchina sing·atgen, aro UG-ni Examination-ni bidingo dingtang dingtang Moderation Board baksa tom·aniko dakgen. Ua tom·anio una agreba Meghalaya College Teachers’ Association (MCTA)-ko NEP-ni ning·o donggipa setting/moderation of question papers of 1 Semester-oba bak ra·jachina mol·molaha.
Ua tom·anio tik ka·ani gita mitam NEHUTA-ni a·palni memborrang NEP-ni ning·o donggipa moderation-ko ra·rikgenchimode ukoba jegalaniko dakgen aro tom·anioni ong·kate katgen.
VC, July 12-ni chittiko ra·galpilna man·jaode, NEHUTA, NEHU Act, Statutes and Ordinances-ni niamrangko VC pe·aha ine tongtong India-ni President-na chittiko seatgen, Prime Minister Office (PMO), Union Minister of Education, Union Finance Minister, Governor, Phagu Chauhan university-ni Chief Rector, CM Conrad Sangma aro gipin rangna seatgen.
