U·IATTIMGIPAONI
SHILLONG: HYC Sukrobaro, state quota-ni ning·o donggipa MBBS seat-ni open category-o maidake sak 5 non tribal candidate-rang seokako man·aha, uni gimin sandirikitako dakchina dabiaha.
“Chinga ma·siana skaa maidake sak 5 candidate-rang open category-o seokako man·aha. Chingni chanchiani gita ia candidate-rang a·doko songdonggiparang ong·ja,” ine HYC-ni president,Robertjune Kharjahrin, Health Minister Ampareen Lyngdoh baksa tom·aniko dakani ja·man aganaha.
Ua agana, kobor man·soani gita ia sak 5 candidate-rang Manipur-ni state quota-oba kamna galaha.
HYC president agana, sorkarini quota-o kamna galna gita candidate-rango permanent resident certificate (PRC) dongna nangchongmota.
“Nikani gita uamang PRC-ko Garo Hilss-oniko man·aha aro uamang gimikkkon Assam-o songdonggipa ine chanchichipaha,” ine ua aganaha.
Kharjahrin agana, uamang Health Minister-o MBBS seat-na seoka man·gipa candidate-rangko chugimik sandirikitaniko matchotgija ra·chakaniko dakkunabe, ine mol·molaha.
Nangchongmotgenchimode list-o donggipa candidate-rangko ra·chakna skang sandirikitaniko dakchenggen, ine minister ku·rachakaha.