U·IATTIMGIPAONI
Shillong: District Magistrate-ni ra·gatgipa under section 144 CrPC-ni niamko pe·enba mijal Sombar salo Shillong songjinmao Hynniewtrep Integrated Territorial Organisations (HITO)-ni rally ka·mitingo district administration aro police official-rangko ro·ong goruruani gimin police, HITO-ni sak 10 memborrangko rim·aha.
Rally ka·gipa HITO memborrang Magistrate-ko chadrapaha aro uamangni rally ka·mitingo police-rangko ro·ong goruruaha jeni a·selan, jeon sak 2 Deputy Inspector of Police (DySPs)-ko man·chape sakgittam police-rang saknaa man·aha.
Gisim uniform-ko ganani gimin HITO president-ko Sadar police station-ona okamatahachim, jeni daka kaman IPC-ni section 171-ko pe·a ga·akachim.
East Khasi Hills SP-ni aganani gitade, District Administration-ni maming permission gri, flag aro lekka pal·takrangko ra·enba Hynniewtrep Integrated Territorial Organisations (HITO)-ni sak 40-50 mang memborrang, uamangni president aro gipin dilgiparang jedake Gary Marboh, Shaniah Nongrum, James L Nongpiur aro Wanbun N. Dkhar mangni dilani SMB Parking Lot Opposite SBI Main Branch GS Road-o tom·daktokahachim.
HITO memborrangko ong·katangtokchina aro HITO dilgipa Donbok Dkhar-ko, aganchakaniko dakchina gita Sadar PS-ona re·china gita Magistrate aro Police official-rang aganahachim.
Unomitingo HITO memborang, Magistrate-ni aganako knachakani pal batesa Sadar PS -ona Police Bazar gita chrochro re·jomangtokaha ine SP aganaha.
“Koboro gita, Sadar police station-o uamang tom·daketokaha, aro uamangko tom·tome re·angtokna aganahachim. Indake ong·engon, HITO President-ni Sadar PS-oni ong·katani ja·mano, HITO memborrang Shri Donbok Dkhar-ni dilanio, Sadar PS-ni mongsonggipa do·gacholo dongsonggipa manderang, president Dobokni aganako ra·enba, drae uamangni ra·bitgipa lekkarangko galna gita main secretariat re·jomdrabaha,” Nongtnger aganaha.
Indake, uamang maming permission-koba ra·jani gimin uamangni Kachari Point-ona sokon, uamangni champensoaha. Uni ja·manon uamang golmal ka·na a·bachengaha aro police-rangko r·ongrangchi goruruaha, jeni a·selan magistrate aro sak 3 Police personnel-rang saknaa man·aha.
