U·IATTIMGIPAONI
Tura: Tura-o Krishna miteko manigiparang, uni atchiani salo rally-ko ong·atjole Janmasthami-ko name maniangaha.
Janmasthami bilsio Hindu-rangni Krishna mitte-ni atchiani salko maniani ong·a. Krishna-ni atchiani salko Gregorian calender-ni gita August ba September jani gisepo manironga.
Tura jilao Sri Sri Goudiya Mutt ine hindu toromni dol maniangaha aro re·jomao ritchani ritcha bakko ra·angaha.
Sri Sri Goudiya Mutt-o mite olakigiparang pring-walni somaio jatni ganding-chindingrangko gane krishna mitena puja ka·na tom·dakaha. Manigiparang puja ka·aha aro mitena ringani gitrangkoba ringaha.
Jilani bang·a dingtang dingtang gadangni bilsini manderang ku·cholsan maniangaha. Nokdang-rang, chadambe bi·sarang aro ja·delgiminrang pilakan nangrime maniangaha.
 |
ReplyForward
|