U·IATTIMGIPAONI
BAGHMARA: Meghalaya a·dokni South Garo Hills-o BSF-ni 43-gipa battalion-ni sipairang a·dokni police baksa nangrime sriksrik kobor on·atako man·e amsandiaha aro Bangladesh-ona niam gri bading-srukna miksonge chirangko bang·en salanggipa gari bolsako Rongara sepango changsoaha aro salanggipa chini gimin kakketko talate agana man·jani gimin gari baksa gari salgipakoba rim·aha. Rim·a man·gipa baksa ra·sekgipa malrangko niam gita sandianiko dakna police station-rangna parakataha.
U·IATTIMGIPAONI
SHILLONG: Meghalaya-ni East Khasi Hills aro West Jaintia Hills-ni a·songgipini sima-arioniko India a·songiko Bangladesh-ona badingsrukatenggipa mang 96 matchurangko mni Sukrobar-o BSF sipairang rim·aha. Meghalaya BSF-ni 4-gipa aro 193-gipa battalion-rangni BSF sipai kotokrang rake kam ka·e batanggimin konta 24-o badingsrukgiparangni a·songgipin sima-ariona moangenggipa mang 96 matchurangko ra·sekrikna man·aha. BSF sipairangni amsandianiko man·e mat-chu badinggiparang mat-churangko wate gale gananggijagipa biaprang gita katangaha.