U·IATTIMGIPAONI
TURA: Garo Students Union (GSU) Eastern Zone (EZ) Williamnagar-ko dilna seoka man·gipa manderangna dongimin term ba somoi ia bilsini September jaon bon·engaha ine GSU-EZ-ni mitam membor-rang parakatenba, GSU-EZ-ni gital dilgiparangko seokna gita ia September jani gisepon election-ko ong·atchina GSU Central Executive Committee (CEC)-na sedoataha.
GSU-CEC-na sedoatgipa chittio GSU EZ-ni mitam membor-rangni parakatani gitade, GSU-EZ Williamnagar-ko dilna gita seoka man·gipa manderangko bilsi bonganasan seokahachim aro ia dilgiparangna dongimin somoi ia 2023 bilsini September jaon bon·engahachim.
“Uni gimin ia jani gisepon aro man·a dipetde chatro chatrirang mikkangchi maming neng·nikanirangko chagrongna nangjana gita GSU EZ-ni election-ko da·o September jani gnigipa antion ong·atchina chinga na·simangko mol·molenga maina election-ko da·o ra·dodapatna nanggenchimode ja·mano chatro chatrirang neng·nikanirangko chagrongna nangtoknaba gnang,” ine GSU-EZ Williamnagar-ni adita sak membor-rang parakataha.