U·IATTIMGIPAONI
SHILLONG: Integrated Child development scheme-ni ning·o man·gipa merong aro supplemantary nutrition program-o cha·bokani mamlao Assam Police, am·sandie jinmani mikkangona ra·baaha.
Ia mamlako kamoni neng·takgipa Madhya Pradesh High Court-ni judge Mool Chand Garg-ni dilanio am·sandianiko dakenga. Bilsi 2021 June jao Continental Milkose (India) Ltd-na Supplementary Nutrition Program (SNP)-ni gita on·gipa merongrangko Assam Boko-ni private godown-oniko Assam Police sandie man·aha.
Commission, uamangni report-o janapani gita, “Ia mamlao Boko police station-ni official-rangko sing·sandina okamaon maming aganchakaniko man·jani gimin Assam Police-ni higher official-rangko ja·ku de·china mol·molataha, indiba commision-ni ia mamlao bon·kamgipa report-ko on·na jotton ka·anio Assam Police, gisik nangja.”
“Uni gimin commission, gipin chol dongjae, Assam police-ni dakchakani gri kamko ka·na nangao ga·akaha. Iandakgipa obostao Commission, Meghalaya sorkari aro M/s Continental Milkose (India) limited aro CDPOS, DPOs, Public aro Continental Milkose, sorkari official-rangni on·gipa report-o pangchake ja·ku de·na tik ka·aha.
Social Welfare Minister Paul Lyngdoh, ia mamlani gimin janapataon, “saksa mandechi dilgipa commission-ni am·sandianiara kragipa ong·ja ine aganataha.
Bilsi 2021 July 29 tariko a·dok sorkari, Assam Police-ni Boko-o private godown-oniko laksa kg merongni bag-ko man·a jagni skangan rice scam-ni mamlako sandichina ge·etaniko on·aha.
Ma·mongni dam komie watatgipa merongrangko gittamgipa party ba dolrangsa an·tangtangni namgnina ra·rike private godown-o donskaha.
Justice Mool Chand Garh-ni dilgipa committee-ko Milkose (India) Limited-na supplementary nutrition programni gita merongko on·gipa mamlao cha·bokaniko sandina ge·etaha.
