U·IATTIMGIPAONI
SHILLONG: A·doko Inner Line Permit (ILP) aro Meghalaya Resident’s Safety and Security Act(MRSSA)-ko ra·gatani bidingo A·dok, Ma·mongni aganchakako sengenga ine Nongpoh MLA, Mayralborn Syiem-ni House-o sing·anina, Chief Minister aganchakaha.
ILP-ara, A·dokni dingtang dingtang NGO-rangni aro civil society-rangni dabienggipa ong·a, jekon ru·uta somoirangna donchipenga, iani kamrangara maidake on·angenga ine Syiem sing·doahachim.
Dingtang dingtang dabienggipa kamrangko janape seenba re·anggipa August 8 tarikon Prime Minister-na pakwateaha, jeon ILP-ba man·chapa ine CM, sing·anina aganchakaha.
ILP-ko ra·gatna kam ka·anirang maidake ong·ange uko Union Ministry-o chinga sing·chae dongengachim, indiba da·o dipet maming aganchakanikon man·sokuja ineba CM aganchakaha.
A·doko ILP-ko ra·gatna gita batanggimin somoio Assembly ra·gatgimin resolution-ni bidingo gisik ra·ate aganengon, Ma·mong resolution-rangko niroke nienga, aro tribal rights aro customary law aro dakbewal rikbewalrangkode maming bilgriatani dongjawa ine ka·dongatanikoba on·aha.
Unomitingo, mitampak manderangde a·doko bosturangko salruragipa rel garirangko ra·baaniko nangniktokengon, ILP ba Meghalaya Resident’s Safety and Security Act(MRSSA) dakgipa, napdrabagiparangko champengsoani silchidarerangko ra·gatchengjaode kenchakani donggen ineba legislator jajrenganiko parakaha.