U·IATTIMGIPAONI
SHILLONG: Opposition dolni nangnike sing·anirangna Sorkari u·iatanirangko on·ja ine TMC MLA Mukul Sangma mijalo matnange aganaha.
Uamangni sing·giparangoni mingsade JJM-ni ning·o badita nokdangrangna chi pipe-rangko sale on·ahachim ukoba PHE Minister talatjaha ine ua aganaha.
Pa Sangma-ni aganani gitade, West Jaintia Hills-o ia scheme-ko baditana kingking chu·sokataha ine sing·gipakoba, sorkari da·osa list-rangko chimongenga inesan Minister aganchake bon·ataiaha.
West Garo Hills-ni gimin sing·oba, sorkari list-rangko chimongna jotton ka·enga ine apsankon Minister aganchakaia ine TMC dilgipa matnange aganaha.
“Uamang ia project-rangko songadamrangnan chama indide maidake songni bimingrangko man·ja,” Sangma aganaha, kam ka·anirangko Opposition-na u·iatode uan nangan somoio agan-ku·pattianiko on·na gita Minister-nan dakchakani ong·genchimba ineba Pa Sangma aganaha.
