U·IATTIMGIPAONI
TURA: West Garo Hills a·jani dingtang dingtang skul aro college-rangni sambao ta·makku palaniko champengna gita West Garo Hills a·jani Police-rang, Health department baksa bilakbate nirokna tik ka·angaha.
Adita salrangna skangsan, Cigarettes & Other Tobacco Products Act (COTPA)-ni ning·o, West Garo Hills a·jani Police-rang aro official-rangna National Tobacco Control Program (NTCP) aro Sambangh Health Foundation (SHF)-ni gita training-rangko on·e, ta·makkurangko warachakna gita ku·mikchetanirangkoba dakatahachim.
Indake ong·engon, Meghalaya a·doko bilsiantian sak 8000 manderang, ta·makkurangko jakkalani a·sel siangna gita nangengani gimin West Garo Hills a·jani Superintendent of Police (SP), suk ong·gijaniko parakatenba, West Garo Hills a·jao COTPA-ko bilakbate jakkalchina didiataha.
“Je biaprangon COTPA-ni niamrangko pe·genchim, uandakgipa biaprango rakgipa dairangko ra·china pilak poluce station-ni officer-in-charge-rangna ge·etaniko on·manaha aro police-rang, skulrangoni metre 100-ni ning·o ta·makku palaniko bilakbate champenganggen,” ine SP parakataha.
Indake ong·engon, COTPA Section 4-o pangchake pilak nangchongmotgipa biaprango aro police station damprakni a·palon ‘No Smoking’ chinrangko dongen ineba SP parakataha.
