U·IATTIMGIPAONI
TURA: Kam ka·chakramo me·chikrangni kosako kragija daka ba ong·anirango u·ianiko gipatna miksonganio (Prevention, Prohibition and Redrressal) Act aro POCSO Act 2012, POCSO Rules 2020-ni bidingo Sukrobar salo District Legal Services Authority South Garo Hills Baghmara, salsana legal awareness programko ong·ataha.
Programo South Garo Hills-ni CJM Shri Daniel Marbaniang, dingtang dingtang Acts aro penalties-ni gimin aganprakangaha. Me·chik aro bi·sarangni kosako kragija ong·a ba dakanirangko nikon maidakgipa niamrangko ja·rike ja·ku de·na man·gen aro kragija dakaniko maidake champengna man·gen, iani gimin aganangaha. POCSO Act-ni niam bilongen rakgipa ong·a. Dingtang dingtang Act-ni niamrangko u·ie ma·sie ra·a ong·ode an·tangtangna simsakna man·gen ine Marbaniang aganaha.
Uandake programo Shri A.D Sangma APP, Smt A.G Momin ICPS, Smt T.M. Sangma SI aro gipinrang bakko ra·angaha.