Tuesday, July 8, 2025
spot_img

Dilgiparangnade maming jat ba torom baseani dongna nangja: Rakkam

Date:

Share post:

spot_imgspot_img

 

U·IATTIMGIPAONI

SHILLONG: Saksa politician ong·e dilgipani kamko ka·gipa manderangnade maming jat ba torom baseani dongna gita nangja aro re·baenggipa Lok Sabha election-o ianon Voice of the People’s Party (VPP) amako man·na sienga ine Mongolbar salo, National People’s Party (NPP) parakataha.

Shillong Parliamentary seat-o NPP-na VPP-oni maiba kenna nanganirang dongama dongjawa ine sing·anina aganchakaniko on·angengon, “Uamang (VPP) gital party-san ong·aia aro uamang dal·na gita nangkuenga,” ine NPP-ni dilgipa aro a·dokni Cabinet Minister Rakkam A Sangma parakataha.

“Politician ong·e dilgipa ong·anide namen dal·a kattasa ong·a. Dilgipa ong·aniode maming jat ba toromni gita simarang dongna nangja indiba dilgiparangde ra·chakako man·na nangaia,” ine Sangma aganaha.

India a·songara namen dal·begipa aro dingtang dingtang jatrangni songdonggipa a·song ong·a ine janapatengon, Meghalaya a·dokkoba dingtang dingtang jatni manderangsa apsan jong-adarang gita man·e on·ahani gimin maming jat baseani gri apsan kamrangko ka·na nanga ine Sangma aganaha.

Re·baenggipa 2024 bilsini Lok Sabha election-o VPP chu·sokna man·jawa ine janapattaiengon, a·dok gimiko chu·sokna gitade pilak dolrangnan ong·na amgijani ong·aia ine NPP-ni Cabinet Minister aganaha.

Tura Lok Sabha constituency-ode da·o ong·enggipa MP Agatha K Sangma, NPP-ni candidate ong·e susatainaba gnang ine niksamsona man·engachim.

Indake ong·genchimoba Shillong seat-nade da·o dipet NPP-ni candidate-ko parakskakujaengachim.

Shillong Lok Sabha seat-ode da·o ong·enggipa MP aro Congress dolni candidate Vincent H Pala, brigipa changna seokako man·taina ka·dongsoskaenga indiba da·o dipet Congress dolba Tura seat-nade candidate-ko mingskakujaenga.

spot_imgspot_img

Related articles

Raipur-bound IndiGo flight develops ‘technical snag’, passengers safe

Indore, July 8: An IndiGo flight from Indore to Raipur became an unsettling experience for 51 passengers on...

Indian market settles in positive territory as ‘mini’ India-US deal inches closer

Mumbai, July 8: The Indian stock market closed in positive territory on Tuesday, inching up in a range...

RGU offers scholarship opportunities for wards of Meghalaya Police personnel

Guwahati, July 8, 2025: In order to promote access to quality higher education and honour the service and...

Netanyahu nominates Trump for Nobel Peace Prize

Washington, July 8: Israeli Prime Minister Benjamin Netanyahu nominated US President Donald Trump for the coveted Nobel Peace...