U·IATTIMGIPAONI
SHILLONG: Re·baenggipa 2024 bilsio Lok Sabha election dongani giminsa Women’s Reservation Bill-ko BJP ra·bamikaha ine All India Congress Committee (AICC)-ni ku·wattimgipa Onika Mehrotra matnangataha.
Iani bidingo kobor ra·timgipa manderang baksa agangrikengon, Women’s Reservation Bill-ko BJP sorkarini dingtangataniara maming dakeba a·songni me·chikrangko togina man·jawa ine Mehrotra parakatenba, ia Bill-ko ma·mong sorkari ra·gatna miksongmanchaenga ong·ode ra·gate mesokchina ine BJP sorkariko ra·biataha.
Ia Women’s Reservation Bill-ko Congress dolsa a·bachengatahachim ine janapatengon, 2010 bilsio ia Bill-ko Lok Sabha-o ra·chakjahani a·selsa chu·sokgipa ong·jaha ine Mehrotra parakataha.
Iani bidingo batanggimin bilsisku atana maming ja·kurangko de·jahani giminba ua BJP-ko sing·doataha.
