GUWAHATI: Meeting-ni ja·mano Assam chief minister Himanta Biswa Sarma kobor ra·timgiparangna aganao “Mukroh-o slai goani a·sel a·dok damgnini sakkirangchi namatna man·kujaenga uko judicial commission-chi sandiatna chanchiaha,” ine aganaha.
“Mukroh a·selko sandi-na da·o a·dok damgnian CBI-ko mol·molna chanchiana bate ua mamlako Shillong ba Guwahati-o mamla segatjachina indiba jatchio ong·e sandigipa dol ong·e ua a·selko ma·mongni sandigipa agency sandina man·gen ma·mongni sandigipa agency-ko didina chanchiaha,” Sarma aganaha.
Damgipin dam dok meligrikgijagipa a·jolrangni bidingo chanchiani matchotkujaenga, ‘‘Assam, Langpih, Borduar aro Deshdemoriah-o golmal donggipa sima-ariko namatna tarienga maina ua a·jolrang non-Sixth Schedule a·jolrang ong·a. Indiba bon·kame tik ka·aniko a·jolni committee-rangchi tarigen. Ru·utgija somaini gisepo Meghalaya chieg minister-na report-ko on·china chinga a·jolni committee-rangko aganaha aro chief minister gadango bon·kame tik ka·gen,” ua aganaha.
“Chinga CM-rang sakgnian October jani bon·kamgipa antio Khan-duli-Psiar-ona re·anggen aro uni ja·mano jedakeba dam gittam golmal dong-gipa a·jolrango chinga nama kamko mesokna man·gen re·baenga jagni jarango chanchigen…-chinga bangki dam gittam a·jolrangona re·anggen aro uamangni samtangtango nengnika-niko namatna songdonggiparang baksa agangrikgen,” Sarma aganaha.