U·IATTIMGIPAONI
TURA: Ia sal somoirango salantian mikkarang waengani gimin Ganol dam-o nangana bate chi tang·dogenchimode, dam-ni chirangko wate galna nangnaba gnang ine Ganol chisamo donggipa manderangna West Garo Hills a·jani Deputy Commissioner aro District Disaster Management Authority (DDMA)-ni Chairman Jagdish Chelani mikrakataniko on·ataha.
“Iachi indake jinmana ui∙ataniko on∙enga, chong∙motan, Ganol dam-ni chi nangana
bate tangdogenchim ong∙ode, uko rang·gitik wate galna nangnaba donga. Uni gimin je
manderangan Ganol dam-ni ka·ma jolrango songdongengachim, na∙simang an∙tangtangna simsake
dongpachina mol∙molaniko on∙enga aro ma∙sisogijagipa a∙selrangoni naljokna man∙na gita chi rikamoni ba chiringrangoni chele dongchina u·iatenga,” ine West Garo Hills a·jani DC parakataha.
Indake ong·engon, ma·sisogijagipa a·selrangoni naljokna man·na gita chi banani somoirango bijoli krong ba bijoli line-rangoni chel·e dongna nanga ineba Deputy Commissioner u·iataha.