U·IATTIMGIPAONI
SHILLONG: Meghalaya State Commission for Women (MSCW)-ni gital chairperson ong·ode post-na sak 4-ni bimingko Social welfare department-ni gita songgipa search aro select committee ku·pattianga.
Sukrobar salo iako u·iatengon, Social Welfare Department-ni in-charge ong·gipa Minister Pual Lyngdoh indake aganaha, “Da·o search committee-ni gita sak 4-ni bimingrangko mingangaha, anga Chief Minister baksa chanchirimanggen aro ja·mano koborrangko u·iatanggen.”
“Ia katta gamchatgipa ong·aoni, chairperson-na mangmang iano angko rongtalate talatna on·bo aro gipin membor-rangni giminde ong·ja maina uamangni bilsi matchotaha,” ine Minsiter rongtaldapate talatangaha.
Bimingrangko ta·rake jinmana parakatanggen ine ua aganaha.
Search aro select committee-ko Commissioner aro Secretary, Social Welfare department chairperson ong·e dilangaha.
Jowai-oni jawilwat tarigipa, Phidalia Toi-ko Meghalaya State Commission for Women-ni chairperson-ni biaponiko ra·galaha.
Toi Commission-ni chairperson-na kraja maina ua election campaign ka·ao jak dongpagipa ong·anichi Meghalaya State Commission for Women Act 2005-ni niam-ko pe·gipa ong·aha ine Social Welfare Minister, Paul Lyngdoh aganaha.
Gisik ra·ataianisan ong·ainaba donga, a·dok sorkari February 16 tariko commission-ni denotification ge·etaniko ra·galangani ge·etaniko nakatataha.
February 14 tariko Social Welfare department, 2023 bilsini January 18 tarikoni kam ka·angan baksa commission-ni term denotified-na chadengaha.
Jowai legislator Wailadmiki Shylla-ni election rally ka·ao bak ra·anganichi Toi model code of conduct-ko pe·aha ine matnangatani sokbaani ja·man iana ja·ku de·ani sokbaaha.
