U·IATTIMGIPAONI
TURA: Adita salrangna skang, Chokpot jolni GSU, CAVC, AYWO, FKJGP, AHAM aro GSMC dolrang, Chokpot community health centre (CHC)-ko nina re·angenba, ia health centre-ko namdapatna nangenggipa kamrangni bidingo sorkarina memorandum-ko on·ataha.
Ia NGO-rangni parakatani gitade, ia Chokpot CHC-ko nina re·angon, ia health centre-o kam ka·giparang chu·ongjaenga, bijoliba dongjaenga, CHC-ko taridapaba dongja aro ambulance-ba dongjani a·sel saenggipa manderangsan ong·aigija CHC-o kam ka·enggipa manderangba neng·nikanirangko chagrongna nangtokenga ine nikna man·ahachim.
Uandaken, Chokpot CHC-ko nambate chalaina man·na gita kam ka·giparangko chu·onga gita donchina, bijoliko name on·china, CHC-ko chu·gimik taridape on·china aro CHC-na ambulance-rangko on·china gitaba NGO-rang, sorkariko didiataha.
Mikkangchi Chokpot CHC-ko nambate chalaina man·na gita uamang pilak nanga dakchakanirangko on·na gitaba NGO-rang ku·rachakaniko on·ataha.