U·IATTIMGIPAONI
SHILLONG: Meghalaya State Commission for Women (MSCW)-ni gital chairperson-ko songanio bang·e somoi nangjawaha ine Mongolbar salo, a·dokni Social Welfare Minister Paul Lyngdoh talataniko on·ataha.
Lyngdoh-ni parakatani gitade, ua a·dokni Chief Minister Conrad K Sangma baksa asonge agangrikna man·ahaon, MSCW-ni gital chairperson-ko songna man·gnok.
“Iani bidingo anga Chief Minister Conrad K Sangma baksa agangriknasa nangkuenga. Batanggimin somoirango chinga sakgnian dingtang dingtang biaprangona songreangahani a·sel apsan asonge agangrikna man·kujaengachim indiba apsan asonge agangrikna man·ahaon MSCW-ni gital chairperson-ko songna man·gnok,” ine ua aganaha.
MSCW-ni gital chairperson-ko songanio agre ru·utatchana nangjawaha ineba ua aganaha.
Lyngdoh-ni aganani gitade, MSCW chairperson-ni kamara namen mongsonggipa ong·a aro ia kamna search committee, mande sakbrini bimingrangko seoke donmanahachim.
Batanggimin changrango MSCW-ni chairperson-ko sorkari, dilgiparang baksa nangrimgipa manderangonikosa seokronga ine matnanganirang dongani gimin gital chairperson-ko politics-o jak donggipa manderangonikode seokjawa ine adita salrangna skangsan Social Welfare Minister parakatahachim.
MSCW-ni gitcham chairperson Phidalia Toi, June jao kam watangaonin gital chairperson-ko songna man·kujaengachim.