U·IATTIMGIPAONI
SHILLONG: Justice S Vaidyanathan-ko Meghalaya High Court-ni gital Chief Justice songchina gita Bristibar salo, Supreme Court-ni Chief Justice DY Chandrachud, ma·mong sorkarina ku·pattianiko on·ataha.
Meghalaya High Court-ni gitcham Chief Justice Sanjib Banerjee, Budbar salo kam matchote watangani ja·man Chief Justice-ni kam bangbang ong·e dongengachim.
Indake ong·engon, Supreme Court-ni Chief Justice DY Chandrachud baksana Justice Sanjay Kishan Kaul aro Justice Sanjiv Khanna, Justice S Vaidyanathan-ko Meghalaya High Court-ni Chief Justice songe, Justice Ritu Bahri-ko Uttarakhan High Court aro Justice Chakradhari Sharan Singh-ko Orissa High Court-ni Chief Justice songchina gita ma·mong sorkarina ku·pattianiko on·ataha.
Meghalaya High Court-ni gital Chief Justice-na mingako man·gipa Justice Vaidyanathan-ko 2013 bilsini October 25 tariko Madras High Court-ni Judge-na songahachim.
Ua 1986 bilsio Bar-o biming segate, Madras High Court aro dingtang dingtang kacharirango kamko ka·ahachim.
