U·IATTIMGIPAONI
SHILLONG: Meghalaya Residents Safety & Security (Amended) Act-ko ma·mong sorkarini Ministry of Home Affairs (MHA), a·dok sorkariona watpilatahani gimin a·dok sorkari, MRSSA-ni bidingo re·baenggipa antio tom·e chanchianggen ine Sukrobar salo, a·dokni Deputy Chief Minister Prestone Tynsong parakataha.
Tynsong-ni parakatani gitade, MRSSA 2016-ko da·o dipet sorkari, Shillong songjinmani damsni gittimrangosan ra·gatengkua indiba a·jatangtango obostani kri ra·gatchina gita deputy commissioner-na ge·etaniko on·atmanaha.
“Assembly-o pass ka·gipa MRSSA-ni tarigimin bill-ko Ministry of Home Affairs watpilataha aro chinga MHA-ni on·atgipa ku·pattianirangko mikkang antio tom·e nipilanggen,” ine ua aganaha.
MRSSA-ni bidingo chanchirimna tom·aniko a·dokni chief minister dilanggen ine talataniko on·angengon, a·doko MRSSA-na sorkari, Task Force Committee-koba songe donmanaha ine Deputy Chief Minister parakataha.
“MRSSA-ni nangani kri ra·gatchina chinga deputy commissioner-rangna u·iataniko on·manaha. Indiba MRSSA-ni taridapgimin bill-ko MHA watpilatahani gimin chinga entry aro exit point-rangni giminde bang·e ma·sikujaenga,” ine ua aganaha.