U·IATTIMGIPAONI
SHILLONG: Meghalaya Residents Safety and Security (Amendment) Act-ni bidingo Indiani Ministry of Home Affairs-ni ra·chakna neng·nike watpilatani gimin, state administration tom·enba dingtang dake chanchianirangko dakanggen .
Iani bidingo nambate kamrangko ka·na man·na gita, Chief Minister Conrad K Sangma, Advocate General aro Sorkarini gipin official-rangko gronge agangrikanggen ine Deputy Chief Minister Prestone Tynsong Sukrobaro parakaha.
A·doko tik ka·e watatgimin MRSSA-ni niamrangko taridapchina gita Ma·mong, Meghalaya Sorkariko mol·molataha.
Meghalaya Residents Safety and Security Act (MRSSA) 2016-o segatgimin gita, jeon a·dokona niamgri napdrabe songdongegiparangko champengsona gita miksonge niamrangko tariahachim, uagitan Shillong songjinmani damsni gittimrango nok para donggiparangko aro nok nokgiparangko app-o biming segatchina gita ge·etaniko on·ahachim.
Indake ong·engon, ra·gatgimin niamrangko ja·rikchina gita District Task Force-ko songaha aro ia Act-ko ra·gatchina gitaba deputy commissioner-rangna u·iataha ine Tynsong aganaha.
Meghalaya Residents Safety & Security (Amended) Act-ko ma·mong sorkarini Ministry of Home Affairs (MHA), a·dok sorkariona watpilataha, unigimin MHA-ni on·atgipa ku·pattianirangko mikkang antio tom·e nipilanggen ine ua aganaha.
MRSSA-ni bidingo chanchirimna tom·aniko a·dokni chief minister dilanggen ine talataniko on·ang ineba ua aganaha.
