Baghmara-o butchuma saksani manggisiko man·a

U·IATTIMGIPAONI

BAGHMARA: Mongolbar attamni 7:00 bajimang, bilsi 70-80-mang ong·gipa gipin jat butchuma saksani manggisiko South Garo Hills a·jani Baghmara Police Station ning·o donggipa Lotnagar songni NH-217 ramasamoniko man·aha ine South Garo Hills a·jani SP u·iataha.

Ia butchumani changroani feet 5-mang ong·gen, be·en ram·a, kni kan·dike boka, an·gil a·mangni rong daka aro manggisiko man·ani somoio ua T-shirt gitchak aro half pant gisimko ganachim ineba SP u·iataha.

Ia manggisiko da·o dipet Baghmara Civil Hospital-ni morgue-o donkuenga ine u·iatengon, je manderangan ia butchumako man·sina man·genchim, Baghmara Police Station-ni officer-in-charge-na 8974245405/9366861753 nomborrango aro Police Control Room-ni 7005457449/9612612805 nombor-rangona ka·e manggisiko ra·echina SP u·iataha.