U·IATTIMGIPAONI
SHILLONG: Meghalaya a·dokni dingtang dingtang biaprango kam ka·enggipa Accredited Social Health Activist (ASHA) worker-rangni man·gnirangko bariatchina dabie re·anggipa November 6 tarikonin kamtangtangko dontongate jingjengatengani a·sel an·seng baljokani kamrangko ka·anio neng·nikanirangko chagrongna nangengahani gimin jingjengatanirangko dontonge, kamtangtangko ka·echina gita a·dokni Health Minister Ampareen Lyngdoh, ASHA worker-rangko mol·molataha.
An·seng baljokaniko on·ani a·bao dangdike on·giparang ong·e kamtangtangko ka·epilchina gita ASHA-rangko mol·molatengon, “Mandena dangdike on·anian Isolna dangdike on·ani ong·a aro ASHA-rangan kamtangtangko ka·jagenchimode, a·dokni manderang neng·nikanirangko chagrongna nanggen. ASHA worker-rangna anga an·tangni man·a gita dakchakanirangko on·na ku·rachakenga, uni gimin na·simang agangrikna sikgenchimode angona re·bae agangrikena man·gen. Indiba kamtangtangko ka·epilchina anga na·simangko mol·molenga,” ine Lyngdoh parakataha.
ASHA-rangara an·tangtangsa an·seng baljokani kamrangko ka·giparang ong·a ine janapatengon, ASHA-rangna kamni krisa man·gnirangko on·na tik ka·gimin donga indiba dormaharangko on·na gitade ku·rachakani dongjachim ine Health Minister talataniko on·angaha.
ASHA worker-rang, Meghalaya ASHA Workers Union (MAWU)-ni bimingo, Nongstoin, Mawkyrwat, Jowai aro dingtang dingtang biaprango jingjengatanirangko dakengachim ine nikna man·a.
ASHA-rangna a·bachengonin tik ka·giminna agrede dormaharangko on·na ku·rachakani dongjachim ine janapatengon, “Batanggimin jadokni gisepon, kamtangtango gisik nanggipa mitam ASHA-rangde gimik gong 31,000-ko aro mitamrangde gong 60,000 tangkarangko man·aha aro ian uamangni japrako man·enggipa gong 2000/-na bataha,” ine Lyngdoh parakataha.
Da·o dipet Meghalaya a·dok gimiko 7075 ASHA worker-rang donga aro uamangoni sak 6811-de songadam nokadamrango aro sak 265-de jillarango dangdike on·enggiparang ong·achim.
 |
ReplyForward
|
