Shillong: Meghalaya a·doko Viksit Bharat Sankalp Yatra (VBSY)-ko dingtang dingtang block-rangoni songrang baksa Information, Education aro Communication (IEC) van garirang baksa campaign ka·aniko a·bachengataha. Ia van garirang ning·tugipa songrangona re·ange ma·-mongni on·gipa scheme-rangni gimin u·iataniko on·angenga. Event-o, IEC van garirango bang·a beneficiary-rang bimingrangko gapatangaha aro ma·mong sorkari department-rang, bank-rang aro oil company-rangoni watata man·gipa mande-rang baksa Pradhan Mantri Ujjwala aro bank loan-rangni bidingo u·ina sike gisiko nange agangrik-angaha. East Khasi Hills District-o, IEC van garirang Pynursla, Mawpat aro Sohiong block-rangni damgniprak songrangona wenangaha.NABARD, Krishi Vikash Kendra, Gas Company, National Fertilizers Company Limited aro gipin sorkari agency-rangni dakchakani baksa beneficiary-rangna indakgipa scheme-rangni bidingo namgniko man·atna awareness-rangko on·angan baksa dingtang dingtang sorkari scheme-rangni service-ko on·angna jotton ka·angenga.
