U·IATTIMGIPAONI
AMPATI: Pan India Rescue & Rehabilitation campaign-ni bak gita Budbar salo, dal·drobaenggipa bi·sarangko kam ka·ataniko champengna songgipa South West Garo Hills a·jani District Task Force, Zikzak Block-ni ning·o donggipa dingtang dingtang biaprangoniko am·sandienba, niam gri kam ka·ata man·enggipa bi·sarangko jokatna man·aha.
District Task Force-ni official-rang, Zikzak Block-ni ning·o donggipa dingtang dingtang karkanarang, dokkanrang aro nokrangoniko am·sandiangenba, niam gri kam ka·ata man·enggipa adita sak bi·sarangko jokatna man·aha.
Ia Pan India Rescue & Rehabilitation Campaign-ara a·song gimikon, dal·drobaenggipa bi·sarangko drae jakni kamrangko ka·ataniko champengna aro bi·sarangko jakgitel ong·atna ma·mong sorkarini ra·gatgipa program ong·achim.
Uandaken, a·song gimikon niam gri bi·sarangko kam ka·ataniko champengna gita aro kam ka·ata man·enggipa bi·sarangko jokatna gita NCPCR, November 20 tarikoni December 10 tarikona ia Rescue Campaign-ko ong·atenga aro uandaken South West Garo Hills a·jaoba ia campaign-ni ning·o District Task Force-ni official-rang dingtang dingtang karkana, dokkan aro nok ba rama tarigipa biaprangoniko adita sak bi·sarangko jokatna man·aha.
