U·IATTIMGIPAONI
SHILLONG: Khasi jatni bebera·ani aro daka rikaniko ripinge rakkina bilsianti manirongenggipa Seng Kut Snem-ko Bristibar salo, Jaiaw-ni Madan Weiking-o maniangaha.
Ia chang Seng Kut Snem-ko manichengaoni bilsi 124 gapanikoba maniangjolaha.
Ia manianiko Khasi manderang, Madan Iewranghep-oni Madan Weiking-ona jinma re·jomanichi a·bachengataha aro iano uamang dingtang dingtang dakrongbewalrangko dake maniangaha.
Ia Seng Kut Snem manianio, KHADC-ni Chief Executive Membor Pyniaid Sing Syiem, Hima Khyriem Baljied Sing Syiem, Hima Mylliem Ainam Manik Syiem, Seng Khasi Kmie-ni president Oplysor Pyngrope, Seng Khasi Kmie-ni assistant general secretary Paia Synrem, a·dokni IAS officer Matsiewdor War Nongbri aro gipinrangba dongpae bak ra·angtokaha.
