U·IATTIMGIPAONI
Tura: National Cadet Corps (NCC) – North Eastern Region car rally-ko Tura-ni Don Bosco College-o dingtang dingtang songreanirang baksa bon·kame matchotataha.
Rally-ko NCC-ni bilsi 75 gapanina maniani bako ong·ataha, iako Shillong-oni November 6 tariko dingtang dingtang songjinmarangona songreangna skang a·bachengataha, dingtang dingtang gadango u·idapanirangko man·angaha.
Bon·kamgipa songreani ja·ako jekon November 24 tarikni attam 4:30 bajio Tura-o ka·tapaha, 41-gipa Meghalaya NCC Battalion-ni sipairangchi kasrokbee rimchaksoaniko dakaha. Matchotani chin gita Don Bosco College-o rally-ni nisanko West Garo Hills-ni Deputy Commissioner Jagdish Chelani IAS official-ni gita badalate mesokaha.
NCC Car Rally Tura-ona sokna skang dingtang dingtang biaprangona songreanganichi Haflong, Dharmanagar, Aizawl, Masimpur, Diphu, Kohima, Jorhat, Dibrugarh, Zero, Itanagar, Tawang, Kalaktang, Barpeta, Kokrajhar biaprango dongdipe neng·taka.
Salgro salaram a·dokrangona songreangani gita ‘Unity and Discipline’ ia pangchakani baksa Major General Gagan Deep, ADG of NCC NER-ni gita gari car bol 14-chi rally ka·aha.
“Don Bosco College-o event-tangko ong·ataha, Tura-o matchotatasan ong·ja indiba NCC Cadet-rang jatni chrok mesaanirango chrokangaha aro gitrang ringanirang baksa maniani chin gita kusi ong·e maniangaha. Pringni somoio cadet-rangni gita jatni chrok mesanirangko dakangaha aro a·doktangni mannianirangna nangchakgipa ong·angaha,” ine NCC-ni gita parakataha.
Bon·kamgipa songreaniko matchotatna maniani nisanko DBC-ni Principal Bivan Rodriques Mukhim-chi pring 9:15 bajio badalataha.
“Car rally songremangmangasan ong·ja. Ian a·dokni chadamberangni gisepgriko ku·cholsan ong·aniko aro discipline donganina NCC-ni on·kanganina testament ong·a,” ine uamang agandapangaha.
Maruti Suzuki-ni sponsore ka·aha, NCC Car Rally-ko NCC Directorate of North East Region-ni gita outreach program-ko ong·ataha. Rally-ni dingtangtegipa ramarango a·songni gisiksan ong·aniko tang·doatna jatsa jatgipin baksa nangrimangna cadet-rangko on·a.
Rally-ko knalni bak November 25 tarik ong·enga jeon NCC Day-ba ong·jolenga Guwahati-na re·chakatangskagen. Dal·begipa manianio Assam-ni Chief Minister Himanta Biswa Sarma mongsonggipa sokgipa ong·e bak ra·anggen
