U·IATTIMGIPAONI
SHILLONG: Meghalaya a·doko BJP state president-ni kamko jako ra·chengaoni jagnini ja·man, ma·mongo BJP-ko dilenggiparangni ra·chakgipa gital state executive committee-ko BJP-ni state president Rikman Momin, Sombar salo parakataha.
BJP state president-ni parakatani gitade, ia gital executive committee-o sakdok state vice president-rang donga aro uamangara, Bernard N Marak (Tura City), Khrawboklang Basaiawmoit (East Khasi Hills), Dipul R Marak (South West Garo Hills), Gagan Jain (Shillong City) aro Riya Sangma (Ri-Bhoi District) ong·a.
BJP-ni gital state executive committee-o general secretary-na seokako man·gipa manderangara, Dr. Evarist Myrsing (Ri-Bhoi) and Er. Lakhon Biam (West Jaintia Hills) ong·skaa ineba Momin parakataha.
Ia gital state executive committee-o secretary-naba sakdok membor-rangko seokaha aro uamangara, Hakabiang Lyngdoh (West Jaintia Hills), Bernadette Lyngdoh (East Khasi Hills), Adamkid Sangma (Tura City), Brivia Thabah (East Khasi Hills), Premananda Koch (South West Garo Hills) and Er. Bipen Pradhan (Shillong City) ong·a ineba BJP-ni state president parakataha.
Indake ong·engon, ia gital state executive committee-o Sarwan Jhunjhunwala-ko state treasurer-na aro Sukhi Pariat-ko Mahila Morcha-ni state president-na songskaaha ineba Momin parakataha.