SHILLONG: BJP Sukrobaro agana, Megha-laya-o re·baenggipa election-na skang NPP-ni, saffron party-oni chelangna chanchianira, election-ni somoio ong·telaigipa ong·a.
“Indake dakanira Meghalaya-o electoral politics ong·aniko mesokani ong·a. Indakgipa obosta-rangra gital ong·aj aro maming ja·gokani ong·ja,” ine BJP-ni palo agantimgiap Mariahom Kharkrang Sukrobaro aganaha, aro NPP-ni Shillong candidate-na seokako man·gipa Ampareen Lyngdoh-ni “NPP-ni dakbewalra BJP gita apsangipa ong·a indiba kattako, bebera·na amgja, ine aganchakataha.
“NPP-ni da·o dingtang biming dongaha. Chinga uamangni chanchia gita ong·na man·jawa, maina uarangara a·dokni manderangni namnika gita ong·ja. Chinga MDA-ni memborrang ong·a, aro MDA baksa dolgipa dakanira maming namgijani ong·ja,” ine ua aganaha.
Lok Sabha election-ni bidingo Kharkrang agana, BJP central leadership-ni sing·atkujani gimin candidate-ni bimingko parakatkujaenga.
Indiba ua agana, central leadership ge-5 a·dokrangni Assembly election-ni result-ko senge dongkuenga, uni ja·mansa Lok Sabha election-ni gimin chanchianiko dakgen.
BJP-ni senior dilgipa AL Hek-ko Shillong Lok Sabha seat-na candidate seokgenma, ine sing·ataniko Kharkranga tongtong aganchaka aro agana, “anga songbatrango nikaha. Chinga chang 6 MLA ong·gipa AL Hek-ko candidate-na seokgenchimode ua namen dal·begipa ong·gen,” ine aganchakataha.
Ua agandapa, party kragipa ong·aniko nigrike me·chik candidate-koba seokna chanchisoenga.
