U·iattimgipaoni
JOWAI: Shillong Dawki road project bilsi 4-na dongtongatako man·e dongkuaha, unbaksana da·ona kingkingan a·a ra·anirangni kamrangba Western Bypass-o matchotgija dongkuaha.
U·iattimgipani aganani gita, a·a ra·ani gimin u·iata-nirangkosan dakkuenga, aro NHIDCL mitam nie ra·anirangko dakaha aro A·dokni Sorkarioniko talataniko seng·e dongku-enga, indiba Sorkani iani gimin maming aganchaka-niko dakkujaenga.
“Rongtalatanirang re·-bajokon, tangkarnagako A·dok Sorkarina on·atgen aro uni ja·mano nokgipa-rangna suale on·aniko dak-anggen,” ine u·iattimgipa aganaha.
Indake u·iataha, uara tang·sekgipa biap ong·ani gimin road project-na a·ako chu·gimik ra·ani ja·mansa kamrangko a·bachengatna man·gen.
2-Lane Shillong Western Bypass road-ko tariani-ko Ladumsaw ni NH106 (gitcham NH-44E)-ni sepang NH06-oni a·ba-chengatgen. Ia project-ko ge-3 dake bak dakaha, aro sorokra 38-38 kilometre chelaoni ong·gen.
Ia project-ni miksonga-nira Shillong sket changket dakako namatani ong·a, indiba Meghalaya-o kam ka·sinako nikeng chu·gimik matchotna gita ru·uten somoirangko nangna krae nikenga.