U·IATTIMGIPAONI
SHILLONG: Nagaland a·dokni skotong songjinma Kohima-o ong·atenggipa Hornbill Festival 2023-o Meghalaya a·dokni bilsi 19 ong·gipa Rachel Rimeika Jyrwa, ‘Miss Horbill International 2023’-ko chee a·dokna mikkim rasongko ra·baaha.
Shillong songjinmani Mawlai gittimoni Rachel, Shillong-ni Synod College-o BA English-ko poraienga aro ua Miss Hornbill International upattiko chean baksana Miss Beautiful Smile aro Best Evening Gown-ni boksisrangkoba man·aha.
Miss Hornbill International-ko cheanio Rachel Rimeika Jyrwa, gimik gong lak 2.30 tangkarangko boksis dake man·aha.
Ia 2023 bilsini Miss Shillong-ko ong·atanioba Rachel, 1st Runners Up-ni biapko man·e chegipa ong·ahachim.