Saturday, March 15, 2025

Mukul Sangma, TMC-o kusi ong·jae ong·katna miksongenga

Date:

Share post:

spot_img

 

U·IATTIMGIPAONI

SHILLONG: Ma·mongo Trinamool Congress (TMC)-ko dilenggipa manderangni kamo kusi ong·jaengani gimin Meghalaya a·dokni gitcham chief minister aro TMC Parliamentary Party-ni dilgipa Mukul Sangma, TMC-o ong·katna miksonganirang dongengaha ine kobor man·soaha.

“Ia bilsini a·bachengachibara Assembly election-o amako man·aonin Dr Mukul Sangma, ma·mongo TMC-ko dilenggipa manderang baksa kusi ong·gijaniko mesokna a·bachengaha. Dilgiparangni kamo kusi ong·nikjae ua BJP-ni dilgiparang baksaba agangrikaona sokaha. Ua a·doko TMC-ni kamrangna aro gipin dilgiparangna simsaknaba gisik nangjaha. Da·o pilakkon ma·mongni dilgiparangsa dilengahani gimin ua high command-ni kamrango kusi ong·gijaniko mesokna a·bachengaha aro TMC-ni membor-ba ong·na nangnikjaengaha,” ine Mukul baksa meligiparangoni TMC doloni kobor on·timgiparang parakataha.

Kobor on·timgiparangni u·iatani gitade, TMC-na gital dake ja·ku de·ani giminba Mukul Sangma chanchidila dongjaha aro uandaken Kolkata aro a·dokni dilgiparangba maikai re·mikkanganggen chanchina gita changtokjaengahachim.

“Meghalaya a·doko bilakgipa opposition dolrang dongjahani gimin TMC dolan opposition dolni kamko ka·na nambatgipa ong·achim indiba TMC-ko dilenggipa manderangni gisepo ma·sisretgrikanirang dongahani a·selan da·o TMC maming kamchin ong·jaengaha,” ine TMC-ni kobor on·timgiparang aganaha.

Ia bilsini Assembly election-o TMC 17 percent vote-ko man·ahani gimin ian dilgiparang gisik nange kam ka·genchimode a·doko bilakbatrorona man·kugen ine mesokani ong·achim ineba kobor on·timgiparang aganaha.

BJP-o napna gita dilgiparang baksa agangrikaniko Mukul an·tangde jegalengoba adita salrangna skang uni BJP-ni dilgiparang baksa agangrikaniko bang·a dilgiparangan ma·sitokskaahachim.

Indake ong·genchimoba, Assam-ni Chief Minister aro salgro salaram a·dokrango BJP-ni mongsongbatgipa dilgipa Himanta Biswa Sarma, Mukul-ni BJP-o napaniko nangnikjaengani giminsa ua da·o napna gita man·skakujaengachim ine kobor on·timgiparang parakataha.

spot_img

Related articles

Youth of Meghalaya Need Not Fear

Editor The article by Patricia Mukhim, “Is Meghalaya’s progress derailed by misplaced resistance?”(ST March 14, 2025) has concluded that...

The Assembly – A Stage

The budget session is done and dusted and legislators from the Opposition have been able to act their...

Beyond Women’s Day – Working women, and following footsteps

By Ranee Kaur Banerjee I thought about it, and in the 365-and-a-quarter days of every year, there are basically...

A Teacher in the Final Stages of Academic Fatigue

By Ellerine Diengdoh Let me begin this article with a DISCLAIMER: Whereas it has come to the author’s...