U·IATTIMGIPAONI
TURA: Bristibar salo salgimikan mikkarang dontonggija wae dongahani gimin, skanggipa salo ong·atna manchigimin Me·gong Festival-ni program-ko Sukrobar salona ra·doatskaaha.
Gittamgipa changna ong·atenggipa Me·gong Festival-ko Jengjal-ni Baljek Airport-o December 7 tarikoni 9 tarikona ong·atengachim ine nikna man·a.
Ia Me·gong Festival-na pilak kamrangkon matchote, Bristibar saloni a·bachengatna siengachim indiba Bristibar salgimikan mikkarang dontonggija wae dongahani a·sel ia skanggipa salna tik ka·sogimin program-rangko ong·atna gita man·jaha aro uandaken ia skanggipa salna tik ka·sogimin program-rangko gnigipa sal, chong·motan Sukrobar salona ra·doatna nangskaaha.
Skanggipa salo ong·atna tik ka·sogimin program-rang, mongsongbate concert-ko ong·atna man·jahaoba, ia biapo tarisogipa stall-rangkode Bristibar salonin kulie donataha aro ia festival-ona re·anggipa manderang, cha·ani ringani aro ma·manti bosturangko brena gita cholrangko man·skaaha.
Me·gong Festival-ni skanggipa salon, mingsinggipa Rock band-rang, jekai Parikrama, Riprap aro uandakgipa dolrangko donsoahani gimin bang·a manderangan ia dolrangni git ring·anirangko nina gita kusi ong·bee nichaksotokengachim ine nikna man·a.
Ia Me·gong Festival-ni gnigipa saloba dingtang dingtang git ring·gipa dolrangko tik ka·somanaha aro ia gnigipa salode skanggipa salo ring·na tik ka·gimin aro gnigipa salo ring·na tik ka·sogimin dolrangba apsan salon ring·angskagnok.
Ia Me·gong Festival-ko December-ni 9 tarik Sonibar salo matchotatenga aro ia bon·kamgipa salo, Netherlands a·songoni mingsinggipa Vengaboys dolba gitrangko ring·e manderangko an·saoatangna sienga.
 |
ReplyForward
|