Shillong: Interface meet-ko December 8 tariko IATC conference hall MAMETI building Upper Shillong-o ong·atangaha. Ua programme-o bak ra·giparangara Director Department of Agriculture aro Farmers welfare Smti. J. C Lyngdoh, Shri. W Syiemleh Joint Director research aro training Government of Meghalaya aro Dr B.P. Singh Head of Division, division of Technology Assessment and Capacity Building – DTAC. Of ICAR Research Complex of NEH Region, Umiam, unbaksana scientist-ni team-rang dongchapaha.
Officer-rang-ko rimchaksoanio research aro training-ni Joint Director Scientist Shri. W Syiemleh agana, ia tom·aniko ong·anira namen gamchatgipa ong·a jean ru·uta salrangni ja·mansa ong·taipilaha. ICAR aro A·dok Sorkari apsan melie game ge·e cha·giparangni namgnina apsan melie kam ka·aha. A·dokni machinery namen nambee kam ka·gen, jedakode game ge·e cha·gipa biaprangko nie sandie ra·na man·gen, jean research ka·na dakchakani ong·gen. Dr B. P Singh HOD, DTAC, ICAR, Umiam, Interface meeting-ni miksonganiko kan·dike presentation ka·anichi talataha, aro maidake ianichi namgniko man·gen, uni gimin aganaha.
Ua agana, district level officer-rang ground level-o game ge·e cha·giparangko ma·sigiparang ong·a, jean research ka·giparangna game ge·e cha·gipa biapni gimin nambate ma·sina dakchakani ong·gen.
Ia programme-o mongsonggipa sokgipa Smti. J. C Lyngdoh Director Agriculture, ICAR aro department of Agriculture and Farmers Welfare-ni apsan nangrimaniko raken ra·chakaha, aro agana, indake dakanichi game ge·e cha·gipa jinma manderangna bang·bea dakchakanirang ong·gen.
Ua una agreba ICAR-ni scientist-ko alu aro baring belatio jo·ong dongarangko nie ra·china mol·molaha, jeni giminan salantin adokni game ge·e cha·giparang indakgipa neng·nikanirangko chagrongaha.
Alu-ko ge·ani bidingo neng·nikanirangko chagrongani bidingo, ua ICAR-ni engineering division-ko alu ko ge·anio neng·nikataniko namatna namgipa bosturangko ra·na ka·dongsoenga, jedakode game ge·e cha·giparangni neng·nikanirang namkalna man·gen. ICAR-ni dingtang dingtang division-ni scientist-rang ni bimingrangan Horticulture-ni Dr V. K. Verma Horticulture-ni, Plant Breeding-ni Dr Amit Kumar, Agro-Metrology-ni Dr Debasish Chakraborty, Agronomy-ni Dr Badapmain M, Agriculture Engineering Er. H. Jiten Singh aro Agroforestry-ni Dr Raju Singh-mang ge-2 department-ni apsan melie chu·sokaniko man·na gipa biaprangko mesokaha. A·dok sorkarini officer-rang game ge·e cha·giparangni dingtang dingtang neng·nikanirangko man·ani bidingo chanchirimaniko dakaha, jedakode maidake ua neng·nikanirangko namatna man·gen. Ua meeting ba tom·aniko DTAC-ni Senior Scientist Division-ni Dr N Uttam Singh mittelpilskae mikkangchi indake tom·anio nambate tarisobatgipa ong·gen, ine aganaha. Indakgipa tom·anirangko pangnan ong·atanirangchi bang·a namgnirangko man·angkuna ka·dongenga, ine ua agandapaha.
