SHILLONG: Tura aro Shillong Lok Sabha seat-o uamang jeba ramram candidate-rangna chakja-wa indiba chinga an·tang-tangni candidate-rang susaenga ine a·dokni BJP mijalo agan-talataha.
Gipinrangna mong-songbate NPP-ni candi-date-na chakani kamko ong·atenga, ‘‘Indake darangnaba chakani chin dongja aro na·simang niatode nikna man·gen batanggimin election-rangoba BJP pangnan an·tangtangari susaia aro darang party-naba chakja aro ia changoba iandaken apsan ong·aigen,’’ ine a·dokni BJP koborna agantimgipa M Kharkrang aganaha.
Ong·nasienggipa Lok Sabha election-rango uamangni candidaterangna chakpana bakrimgipa party-rangko rimchakgen ine a·bachengao NPP aganaha. Uamangni bang·a bakrimgipa party-rangni uamangni candi-date-rangko parakat-manengon ong·nasieng-gipa Lok Sabha poll-rangni bidingo state BJP-o ka·sin-jripjrip ong·ani gimin sing·-anina, Kharkrang agan-chakao, ‘‘Da·alona king-king uamang bimingrangko agankuja aro a·dok dam-bongani election-rangni result-rangko parakatani ja·mano a·songoni dilgiparangoniko maiba chanchianiko ra·bagen chinga ka·dongsoenga aro sengbo angani aganani miksongani da·o chanchia gitan ong·enga” ua aganaha.
Re·anggipa changni Lok Sabha election-rang gita ong·gija komibeoba ja dok jarangko candidate-rangna uamangni a·bao tariso-anirangna somaiko on·gen ine a·bachngao BJP dilgipa aro South Shillong Lagis-lator-ni aganako ra·e Kharkrang aganao ‘‘Uani gimin anga ra·chaka,’’ aganaha.
