State BJP, kusi ong·gija dongenggipa memborrangko party office-ona okamata

U·IATTIMGIPAONI…
SHILLONG:  State BJP Sonibaro gisik suk ong·gija dongenggipa memborrangko,   ong·gija kattarangko jinma manderangna parakatana batede party-ni office-ona re·bae  apsan melie chanchianichi maiko chu·ongnikjaenga, uni gimin aganchina sing·ataha.
“Ching ma·sina ua manderangra maidakgipa ong·a, indiba chingni president ma·sichakgipa ong·a, uni ua suk ong·gija dongenggipa memborrangko party-ni office-ona re·bae chanchirimaniko dakchina okamataha,” ine BJP-ni palo agantimpigipa M Kharkrang aganaha.
BJP-ni palo agantimgipa agana, “Na·a joljol press-chi re·ange an·tangni neng·nikanirangni gimin aganade nama katta ong·ja. Na·a ka·donggipa ong·ode party office-ona re·babo aro maiba neng·nikanirang donggenchimode uni gimin aganbo,” ine ua aganaha.
Mitam matnanga man·gipa dilgiprangko a·dokni BJP-ona napako mitam ning·ao donggipa manderang namniktokjaha.
Knatgija aganna na batede mikkanggrike aganbo, ia party-ni dilgiparang Garo Hills-oni seokanina namniktokjaenga.
Chinga ia kattarangko dal·e ra·ja maina, maina gital president re·bae gital dolko tarianira, mitamrangnade namnikgijani ong·aha. Anga chanchia iani gimin chinga agre dal·e chanchina nangja,” ine ua agandapaha.
Party-oni an·tangni bimingko parakgijagipani aganani gita, BJP, jean cha·bokgiparangni kosako dakgrikgipa party ong·e indakgipa namgija chanchianiko ra·bitgipa dilgiparangko nangja, ine aganaha.
Ua dilgiparang Bernard Marak-ko EC-ni vice President songani gimin namniktokjaha,   aro uamang agana, Garo Hills-ni BJP-ni dilgipani kosako Tura-ni Edenbari-o niamgrigipa kamrangko ka·ani mamla dongkuenga. Ua da·omitingo jaminko ra·esa dongenga, aro court-ni gitaba dosi dongja ine u·iatkujaenga.
U·iattimgipaoni una agreba Dipur R Marak-ko vice president songani giminba ,  uni kosako Lokayukta-ni gita ong·gija niamgri nokrangko taria ine charge sheet ka·a donga ine sing·ataha.