U·iattimgipaoni
SHILLONG: A·dok sorkari gimik 100 percent chu·ongna gita chu·sokanirangko man·osa police station aro a·doko outpost-rangko bariatdapgen.
Chinga gimikko porikka ra·e nikujaenga, da·o police station-rangko bariatdapchina a·doko bang·en dabianirang sokbaha, indiba angni chanchiani gita, da·omitingo dongenggipa police station-ko bilakatbatna nangenga aro uni ja·mano 100 per cent chu·ongna gita bil dongosa, uni ja·man chanchidapangna man·gen,” ine Chief Minister Conrad K Sangma Butbaro aganaha.
Ua agana, sak 2000 sepange kamrangna rim·gen aro uamangni gadangko a·dokni dingtang dingtang police station aro outpost-chi watatgen.
Chingni skanggipa nisanra bang·a manderangko rimbani, machinery, garirang, silchi darerangko jakalaniko skie ra·ani aro gimik nangnikanirang aro ia gimik kamrangan 100 per cent ong·na nanggen, uni ja·mansa chinga a·doko police station aro outpost-rangni gimin chanchiangna man·gen,” ine ua agandapaha.
Ua agana, police station bakriatani aro on·dapani gimin chanchiani ong·a, aro uamang iani bidingo gadang gadang dake nianggen.
Chief miniter mni re·anggipa somoio agana, a·dokni police department-ko namdapatna kamrangko ka·enga, Commissionerate-ko Shillong-ona ra·bachengani ong·gen, jedakode a·dokni skotongo law and order-ko namatna man·gen.
Ua u·iata, da·omiting police station aro outpost-rang ge-70-80 sepange mitamrango garirang dongja, aro mitamrango donggenchimoba uni obostarang namjaha, uni gimin A·dok sorkari outpost ge·prak aro police ge·praknan gital garirangko brena chanchienga, aro iani gimin kamrangkoba ka·engaha.
 |
ReplyForward
|
