U·IATTIMGIPAONI
TURA: Krismas manianina skang pilak man·a nanggipa dormaharangko November jaona on·anina All Garo Hills SSA School Teachers’ Association (AGHSSA-STA) sorkariko mittlelataha.
Dingtangmancha Chief Minister Conrad Sangma, Education Minister Rakkam A Sangma, State Project Director (SEMAM), finance officer-rang baksanaba gipinrangko jemangan uamangni mol·molaniko knachakgipa sakantikon association mittelataha.
“Chingni dormahako November jaona matchote on·aha aro a·dok sorkarini gita 2016-17 PAB-oni chingni man·a dongkueng-gipa arrear-rangko man·aha. Ia bilsio bilongen namgipa dongtoaniko man·aha aro chinga iana sorkariko dingtangmancha mittela,” ine association aganataha.
