U·IATTIMGIPAONI
TURA: Pradhan Mantri Awas Yojana (PMAY) Urban-ni tangka paisarangko ma·mong sorkari, adita jarangna skangan watatahachim indiba Meghalaya a·doko ia scheme-ni namgniko man·enggipa manderang da·onan an·tangtangni bank account-rango man·sotokkujaenga ine Budbar salo, Tura-ni MDC aro BJP-ni state vice president Bernard N Marak parakataha.
Marak-ni parakatani gitade, tangka paisarangko ma·mong sorkarioni watatmanahaoba a·dokni mitam dilgiparang, tangka paisarangko ma·mongonin watatkujaenga inesa manderangna aganskaengachim.
“PMAY-ni tangkarangko ma·mong sorkari watatmanaha ine chinga ma·sia indiba scheme-ni namgniko man·enggipa manderangnade ma·mongonin watatkujaenga inesa mitam dilgiparang aro official-rang ma·sisretaniko on·na jotton ka·enga. PMAY (Urban) da·o mongsonggipa gadangon ong·engaha aro bang·a manderangan tangka paisarangna ka·donge, srogimin tangka paisarangchisa nokrangko riksotokengaha. PMAY (Urban) scheme-ni namgniko man·enggipa manderang, an·tangtangni nokrangko matchote rikna man·na gita ta·raken tangka paisarangko on·na nanga,” ine Marak parakataha.
Tura MDC-ni parakatani gitade, ia scheme-ni namgniko man·enggipa mitam manderangkode an·tangtangni rikgimin nokni mikkango logo baksa chadengate photo-rangko ka·enga indiba ja·mano uamangna tangka paisarangko gamchipjaenga.
“Je manderangan srogimin tangka paisarangchi an·tangtangni nokrangko riksoahachim da·onan tangka paisarangko man·kujaengani a·sel an·tangtangni grorangko chotna man·skakujaenga maina ian Krismasni somoi ong·e manderang korosrangko nangtokenga,” ine Marak parakataha.
Ia PMAY (Urban) scheme-ni namgnirangko man·china gita a·dok sorkari, tangka paisarangko ta·raken beneficiary-rangna on·na nanga ineba BJP-ni dilgipa dabiangaha.
 |
ReplyForward
|