TURA: 5-gipa Meghalaya Games ong·na adita antirang (sal 24)-san dongaiahani gimino games a·bachengna skang pilak bakko ra·giparangna aro nigiparangna gisik ra·na kragipa kusi ong·ani an·senganiko ra·bana games-ko ong·atgipa committee bimchipe raken kamko ka·enga. Ia kal·susaaniko Tura-o ong·atna biapko donsoaha aro ian skanggipa changna ong·atgani ong·enga.
Co-Chariman, John F Kharshiing-ni dongpanio Deputy Commissioner IAS, Jagdish Chelani, Organising Committee aro Chairman, Games Technical Conduct Committee (GTCC), West Garo Hills district DC conference hall-o 5-gipa Meghalaya Games-na committee-ni tarisoanirangko nipiltaina sak 17 gimik Committee official-rang, state asso-ciation-rangni dilgiparang aro sorkarini gipin gipin official-rangko chanchi-rimdilangaha.
Chanrimanirango kal·-chakram biaprangko tiktak tarisoanirangni, athlete-rangna, official-rangna aro soka chakgiparangni gipin gipin chon-rema che·em che·em nanganirang baksa sokgiparangna infras-tructure, facility-rang, Logistics Coordination, transportation ba salrurae on·anirangni gimin chanchiangaha.
Meghalaya Games-ko namgipa kal·susagiparang-nasan chu·soke soka chakna chanchiaiani ong·-aija indiba kal·susagipa-rang aro official-rangni gisepo ka·dongbatangani aro rasong ong·aniba ong·a. Meghalaya Games an·chingni a·dokna susaanio chu·sokani medalrangko ra·bana athlete-rangna chol aro ga·timrako on·ani aro kal·susagipa mande ong·anina kusi ong·ani ong·a.