U·IATTIMGIPAONI
SHILLONG: Shillong-o aro a·dokni gipin biaprango ia maniani salrang namen ding·chaoengon, Megha-laya Energy Corporation Ltd, ia maniani salrango manderang bijolina maming neng·nikaniko chagrong-jana gita bijoliko namedaken watenga.
Meghalaya Energy Corporation Ltd (MeECL)-ni Chairman-cum-managing ditrection Sanjay Goyal kobor ra·timgiparangna aganao pilak somaion uamang 400-mang mega-watt-rangko salanti watna nangenga aro indake MeECL nangchongmotani gimin watna tarienga ine aganaha.
“Umiam Lake ba bara-pani chirang aditan dal·-enga ua gita chingni an·-tangtangni bijoli bikotram aro gipin gipino bijoliko man·ani ja·pangoniko bijoliko ra·na chinga agree-ment-ko watataha indake ia maniani salrangmitingo bijoli chu·ongaignok ine chinga chanchienga,” Goyal aganaha.
Bijoliko chu·onga gita man·ani gita a·doko bijolina neng·nikani dongjawa aro chu·onggijani ong·jawa.
“Salantio nangani gita chinga kamko ka·manaha jeon chinga 300-mang megawatt-rangko man·-enga indake power depart-ment chu·ong gita bijoliko a·dokni manderangna on·a gita man·gen aro neng·-nikani dongjawa,” ua agandapaha.
