U·IATTIMGIPAONI
TURA: Tura Sadar Division-ni ning·o donggipa AAY, PHH aro Non-NFSA beneficiary ba scheme-ni namgniko man·enggipa nokdangrangna December jani merongko watatmanaha ine West Garo Hills Supply-ni Superintendent u·iataha.
AAY beneficiary-rangna card kingprako japrakna kg 35-ko indin tangka paisa gri, PHH beneficiary-rangna sakprako kg 5-ko indin tangka paisa gri aro Non-NFSA beneficiary-rangna Fair Price Shop Centre-ni Price Vigilance Committee-ni tik ka·gimin dam gita indiba gong 13/-na batgija, card kingprako kg 7.105 ka·e suale on·china gitaba Supply-ni Superintendent, Fair Price Shop dealer-rangko ge·etangaha.
Pilak beneficiary ba namgniko man·enggipa manderang, an·tangtangni man·na nangenggipa bosturangko an·tangtangni fair price shop dealer-rangoniko ra·ena man·gen ineba Supply-ni Superintendent u·iataha.