U·IATTIMGIPAONI
TURA: Tura-oni km 15 chel·ao donggipa Rongram ATM-oniko Budbar walo, ma·sina man·gijagipa manderang, gas-rangchi so·e ATM-ko ratpruenba, hajalni hajal tangkarangko cha·uangna man·aha.
Ia ATM-ara State Bank of India (SBI)-ni ong·achim aro ia ATM-ni sambaon petrol pump aro motorcycle showroom-rangba dongachim.
Ia a·selni bidingo talataniko on·angengon, da·o dipet ia ATM-oniko badita tangkarangko cha·uangaha name ma·sina man·kujaenga indiba bank official-rangni aganani gitade, komibeoba gong lak 30-na baten ia ATM-oniko cha·uangna man·aha ine Bristibar pringo West Garo Hills a·jani SP AT Sangma parakataha.
Bristibar pringo manderang tangka okna gita re·angani somoiosa ia ATM-ni shutter-ko tong·sa chipe donako nike nape niani ja·mansa ia obostani gimin ma·sina man·aha ineba SP parakataha.
SP-ni parakatani gitade, ia ATM-o dongipa CCTV camera aro ia ATM-ni wilwilao donggipa biaprango dongipa CCTV camera-rangkoba rongrangchi satdapchengesa ia ATM-ni tangkarangko cha·uangaha.